-Un temps dels mai polits, e caud, que permetèt a Gui de faire lo torn del Lac
en pas res de temps e de pujar al castèl sus l'iscla… un temps qu'a pas res
de véser amb la situacion catastrofica d'ara de la Bosnia e de la Sèrbia.
Las lanas son demoradas dins las maletas, mentre qu'avem esperat lo Pèire sens
poder n'aver de nòvas…
-Un debanament " un pauc estrequit " (a mon vejaire) : un jorn de
mens, jà, signe segurament de la " crisi economica ", que se
sentiguèt tanben dins l'albergament e los " manja- dreites " qu'an
remplaçat los autentics repaisses eslovens…
Mas, erèm pas aquí per far de grais…
- De mond, ne'n passèt ! Aqueste an, me sembla, mai de " nacionalitats
" representadas : russes, georgians, ukrenians, americans,turcs, un sirian,
una libanesa, un catalan e un basc …etc… en mai de totes los acostumats.
-
- La totjorn meteissa carpinhada entre qualqu'un del monde arab (una jordaniana
de Londres) amb la pauvra Bluma que ven d'Israël e qu'es " anti-sionista
"… tot aquò reglat coma de costuma per lo Silvestre Clancier, tant
discret coma eficaç…
-
- De moments fòrts e convivials : la recepcion per lo ministre de la cultura ;
per la directriz de l'escòla de " management " de Bled qu'es
francofila e autogestionara ! ; las seradas de " lecturas per la patz
" amb, entre autras, la " diaspora eslovena " de Triesta ; La
serada reservada a la revirada del premi Goncort, Pèire Lemaitre, qu'a passat
tres jorns amb nautres ;( e ont me presentèron lo conselhèr cultural de
l'ambassada de França en Eslovenia que visquèt pichon a costat de ma maire a
Bisan de Menerbés …. Lo monde es un mocador…)
-
- Las charradissas de corredors : amb la Clara Franceschetti-Cancine que nos
grand'mercèja de l'ajuda del PEN d'OC per l'Arpitan ;
- Amb totes los que son amoroses de la nòstra lenga dels trobadors…
- Lo Silvestre e los membres del " Board " que vòlon butar lo Joan
Frederic a la presidencia del " grop de Girona "… e que nos menarà
de segur (coma o ai jà dit) a configurar mai " practicament " nòstra
" governança " del PEN d'Oc.
- Lo Silvestre tanben, la Bluma (Israël) e la Teresa Cadeta de Portugal
qu'espèran e que van butar a un acamp del " Centre euro-mediterranenc dels
escivans per la Patz " a Narbona en junh de 2015 (d'un dijòus a un
dimenge).
- (Ai jà vist dos còps los representents de la comuna : amb Bluma anem faire
un pichòt projecte per lor presentar a la dintrada de Septembre… e obtener de
sòuses e/o de logistica… Devriá i aver ges de problèma..
- Un travalh dels gròsses…mas serai ajudat per de mond sus plaça ; los
contactes son preses)
- E tant que farem aital….
-