La
conferéncia de Bled del 8 al 12 de mai de 2013
: rendut-compte per Miquèl Decòr
Del 08 deMai al 12 de Mai de 2013 se debanèt a Bled ( Eslovenía ) lo
rescontre dels escrivans del P.E.N Club Internacional. Un encastre idilic, una
ostalariá de las mai bèlas, una cosina de las mai gostosas, una organizacion e
una logistica de tria.
Dos
ais de reflexion e d'intervencions èran definits e foguèron desvelopats per un
cinquantenat de participaires :
-
La creacion literària : de la talvera cap al centre.
-
L'escrivan viatjaire : creator de patz fàcia a l'escomesa dels mejans novèls
de comunicacion.
Lo
P.EN de Lenga d'Oc foguèt representat per las contribucions de :
-
PèirePessamessa : " La literatura dels trobadors, centrala e
periferica. " - Joan-Frederic Brun : " Lo flume grand de Max
Roqueta"- Miquèl Decòr : " Essaouira : Elògi de
la diferéncia "
Lo
darnièr vespre se recampèron los escrivans del Comitat per la Patz per
preparar la conferéncia de Lisbona que deurar " actar " oficialament
la naissença d'aquela " fòrça de patz per la pluma ".
E
la vida se perseguiguèt tanben fòra congrès !
-
Desplaçaments dins de vilòtas per dire de textes davant de joves, d'estudiants…
-
Recepcions : ministèri de la cultura,comuna de Bled, paròquia ….
-
Teatre : pèça anglesa revirada en Eslovèn.
-
Restaurants …( amb musicas tradicionalas e partatge de cançons …)
De
qué ne'n sortís ?
-l'idèa
d'una tela umana d'escrivans de la planeta tota.
-
la constitucion d'un Cercle euro-mediterranenc d'escrivans per la patz.
-L'estrambòrd
qu'an lo monde per la lenga delsTrobadors !
**
Lo
rendut compte de l'assemblada generala
Desempuòi sa fondacion en 1984,
lo Comitat dels escrivans per la patz del PEN Internacional a conegut un
desvolopament espectaclos en s’inspirant dels mots prononciats per son
fondador Miloš Mikeln del temps del Rencontre de Bled en mai de 1985 :
« Lo
comitat dels escrivans per la patz crei que los rencontres entre escrivans
originaris dels païses en conflictes son utils maldespièch de la resisténcia
e quitament dels reprochis sevèrs de la part de lors nacions respectivas cap
als centres qu’organizan aquela mena de rencontres que se ditz que son coma de
traïdors e concluisson d’acordis amb los « enemics ». En
joslinhant las valors culturalas e literàrias de la dicha « nacion
enemiga », los escrivans podon contribuir a far mermar las tensions dins
lo mond. Los foguièrs de crisi ont podon far aiço
son, e aquo es trist d’o dire, trop nombroses. »
Amai es encara mai trist de
constatar que trente ans mai tard, las iniciativas de patz son encara mai
importantas e necessàrias. Lo PEN Internacional es estat força atentiu a la
necessitat d’un coordinator que sa toca màger serà d’ajudar d’alestir
los rescontres e assembladas del Comitat e d’assistir lo president e los
membres per ço que toca la correspondéncia e l’organizacion. Coma anonciat
del temps de l’acamp genaral del comitat a Bled aqueste an, Jasmina Rihar,
coordinaira del PEN eslovèn, es estada nomenada coma coordinatritz del Comitat
dels escrivans per la patz. Se carrarà de difusir las iniciativas de patz
presas per los membres del Comité (li escriure a: wfpc@guest.arnes.si).
L’Assemblada Generala a Bled a
recampat 45 representants de 22 centres membres del Comitat, 4 observators e
d’oficials del PEN Internacional. Demest los Centres presents los Occitans i
èran, representats per Pèire Pessamessa e Miquèl Decòr.
Se parlèt de la situacion
en Asia : Tibet e Oïghors. Kaiser Abdurusul redigiguèt un report que podèm
alargar dins totes los païses per far conoisser aquela cultura oprimida e
minorada. S’abordèt tanben l’afar de la patz al Proche Orient et dins la Mediterranèa :
las relacions entre Israelians e Palestinians, la Turquia, la question dels
Kurdes, la situacion dels escrivans en America Latina.
Se trabalhèt mai sus lo « Manifest
de Bled », en joslinhant que s’i deu inclure la question de la libertat
numerica e de la proteccion de l’environament coma camins cap a la patz.
Enfin s’anoncia la candidatura de l’escrivan eslovèn Tone Peršak a
la nova presidéncia del Comitat per
la patz. Las eleccions se faràn au Congrès d’Islanda.
La
conferéncia de Bled del 8 al 12 de mai de 2013
Segon lo dire de Marian Botsford Fraser, presidenta del
Comitat dels escrivans en prison, lo 45en rencontre de Bled es estat
istoric. Sus l’iniciativa d’Edvard Kovač, president del Comitat per la patz, los presidents de totes los comitats del
PEN internacional (Comitat de recèrca, Comitat de traduccion e dels dreches
linguistics, Comitat de las femnas ecrivanas, Comitat dels escrivans en prison,
Comitat dels escrivains per la patz) se son rencontrats e an participat au
debat-panel titolat Lo rôtle del PEN uèi
e dins l’avenidor que s’es debanat lo 9 de mai. Aquel debat representa
l’acomençament de la realization de l’idèa del president internacional
John Ralston Saul que Bled venga un « laboratòri d’idèas ». Aquò’s
tanben una butada importanta cap a una collaboracion mai estrecha entre los
comitats e un mejan de desvelopament per tota la ret de PEN internacional.
Los escrivans per la patz an organizat una taula redonda
jos lo títol L’escrivan,
viatjaire-creador de la patz cap als desfis dels novèls mèdias. 18
contribucions d’escrivans venguts de 12 centres son estadas publicadas dins lo
librilhon de la conferéncia (los occitans ne presentavan tres). Lo debat a
mostrat que los escrivans prenont los desfis dels novèls mèdias al serios, pas
solament coma un auvari mas tanben coma una oportunitat de transmetre lo saber e
las idèas subre la patz e la literatura per los mèdias numerics.
Los escrivans per la patz an participat a la taula redonda titolada La
creacion
literària :
de la periferia
cap al centre e al talhièr sus la
libertat numerica qu'a son escasença los oficials del PEN internacional
an presentada e dobèrta a la discussion una daclaracion importanta sus la
libertat numérica.
En coopération amb la Ret Balcanica una serada es estada
dedicada als contactes literaris entre Eslovèns e Sèrbs.