COMITAT
DELS ESCRIVANS PER LA PATZ DEL PEN INTERNACIONAL
53en RESCONTRE DELS ESCRIVANS A BLED
WRITERS FOR PEACE COMMITTEE
09-11 de Junh de 2021
Acamp de Bled.
rendut compte per Maelle Dupon
|
*
Lo comitat per la Patz
volguèt rapelar qu'es lo solet dels comitats
del PEN que poguèt s'acampar en persona, dos còps,
l'an passat, mentre que i aviá la pandemia mondiala. Aquò refortís lo voler que lo centre de convergéncia de las idèas del comitat
per la patz demorèsse a Bled, en Eslovènia, dins l'endevenidor. Aqueste an, 32 centres PEN participèron al
rescontre a Bled e aitanben virtualament. Maëlle Dupon, representèt lo PEN
Occitan als acamps.
Aquesta an un dels tèmas màgers del congrès èra lo de la situacion
en Bielorussia.
Lo dimecres 09 de
Junh lo Centre PEN Belarus aguèt una tribuna
particulara per poder explicar que cossí la
situacion es de mai en mai complicada e que los escrivan e mai los actors de la
vida culturala en general son amenaçats. Pas que dins lo primièr quart de
l'annada 2021 an comptabilizat mai de 291 violacions dels dreches umans e
culturals dins lo país.
I a mai d'un cinquantenat de personalitats que son
empresonadas. Aitanben a despart dels presonièrs politics, los activistas e los
artistas començon de s'exiliar. Demandan d'ajuda del Pen Internacional per
defendre los escrivans e los actors culturals. An demandat de pas partejar lor
parladissa en detalhs nimai los noms dels representants qu'an testimoniat amb fòrça coratge. Lo PEN club francés volguèt tanben joslinhar que tre
qu'an aguda l'escasença, tornèron parlar d'unes cases importants de violacions
de dreches a la premsa. Aquò amb la tòca de manténer l'atencion dels medias
franceses cap a la situacion en Bielorussia.
Nos balhan lo ligam de la collècta de fons
per sostenir los artistas.
Salvatz nòstras cançons - Supòrt per los artistas de Bielorussia
Lo PEN Romania
publiquèt una declaracion e prenguèron publicament posicion en contra de çò que se passa en Bielorussia : http://www.penromania.ro/
Per anar
mai luènh :
Rapòrt del Pen
Belarus sus las violacions dels dreches culturals e umans contra los actors
culturals (Genièr – Mars de 2021).
Pas de dreches
per la cultura : With no right to the culture. Belarus 2020.
https://pen-centre.by/en/2021/01/28/bez-prava-na-kulturu-belarus-2020.html
Weekly Cultural
Resistance Monitoring
https://pen-centre.by/en/tag/culture-resistance
L'aprèp mièg-jorn i aguèt un autre acamp amb de
nòvas de diferents centres PEN
·
Declaracion sus la situacion
en China (China, Burma) : Nos parlèron de la situacion a Hong Kong qu'es
tarribla. Per exemple las gents se pòdon pas pus amassar e faire de
manifestacions.
·
Declaracion sus la situacion
en Bielorussia
·
Declaracion sul principi de
sobeiranetat : Lo PEN Wales presentèt la mocion sul
principi de sobeiranetat. Voldriái qu'aqueste document s'endevenguèsse un punt
de referéncia per totes los PEN e denonciar los comportaments dels govèrns. La
mocion es adoptada a l'unanimitat.
·
Declaracion sus
l'utilizacion dels social networks :
·
Review of the Hate Speech
Toolkit : Lo PEN Finnish farà mandar un booklet
en pdf.
·
Lo Pen Francés a creat de
prèmis literaris de traduccion per valorizar e promòure la
traduccion.
Lo
divendres de matin i aguèt una autra amassada per procedir a las votacions e
tanben discutir de las estrategias futuras del PEN e doncas particularament
d'aqueste comitat.
Se
preparèt una Declaracion que serà presentada amb mai de temps a l'Assemblada
del PEN subre lo respecte dels dreches linguïstics, culturals and nacionals de
Macedonia.
Lo
congres que ven se debanarà en septembre. Lo comitat prepausa de conservar l'assemblada
generala a Bled cada annada, mas i a per projècte d'organitzar de congrèsses
sus mantuns continents e doncas son a la recèrca de centres PEN que se
prepausarián per aculhir d'autres acamps.
Fin finala creacion d'un grop de trabalh sus los paises
Balkans ont la situacion s'endeven malaisida.
Lo rescontre que ven
d'aqueste comitat se debanarà en setembre.
Per acabar anoncian que i aurà un acamp del comitat de la traduccion e dels dreches linguïstics d'aquí a doas setmanas.
CENTENARI DEL PEN
INTERNACIONAL 2021
100 ANS DE
CELEBRACION DE LA LITERATURA E DE PROTECCION DE LA LIBERTAT D'EXPRESSION
