SECCION 
SECCION
DE LENGA D’OC
DEL PEN-CLUB INTERNACIONAL
Talhièr: Tolosa 2009
Los escrivans, los musicaires, lor trabalh sus la lenga e lors publics.
Claudi Sicre e Eric Fraj venon escambiar sus la question d'un frairejament mai estrech dels escrivans e dels musicaires. Escrivans que, dins una cèrta solesa, trabalhan a manejar la lenga, e musicaires qu'an un public larg mas que tot còp se sentisson una necessitat de mond que los ajudèsse a far de tèxtes mai fòrts, mai elaborats. La necessitat d'aquò sembla evidenta per totes, e s'envisatja de rescontres dins l'estiu, e ja abans per internet, per acomençar aquel trabalh. Aquela question es l'escasença d'un escambi ric ont analizam l''istòria dau succès e de l'estramàs de la "nòva cançon" de las annadas setanta. Ont d'èstre tròp riblats sus un messatge politic imbrandable a desvirat un public popular occitanofòn qu'arribava pro favorable e abondós. Sicre e Fraj demandan que la critica s'interessèsse tanben a la cançon e ne renda compte. Los escrivans, ço ditz, an lo dever de dire de qué pensan de las paraulas dels escrivans. E devèm soscar totes ensèms a las estrategias per tocar lo mond, alargar lo public de la cultura d'òc, tant literatura coma cançon, en sinergia. Cossí portar l'òc au mond en 2009? Un contacte es ja previst per l'Univèrsitat occitana d'estiu de La Guepia en Julh 09. Poètas ja pressentits: Aurelià Lassaca, Joan-Francés Mariòt.
ADDENDUM 2010: aqueste talhièr fonccionarà en 2010 (6-7-8 de Julh) a l'Universitat Occitana d'Estiu de La Guépia.
Los escrivans d'òc son convidats a i venir nombroses!